यावल न्युज
राज्याचे जलसंपदामंत्री ना. गिरीश महाजन यांच्या वाढदिवसानिमित्त रावेर - पुनखेडा - पातोंडी या दीर्घकाळ प्रलंबित रस्त्याच्या डांबरीकरण कामाचे भूमिपूजन आज महंत राजगिरी महाराज यांच्या हस्ते उत्साहात पार पडले. सुमारे ५ कोटी रुपये निधीतून या रस्त्याचे डांबरीकरण करण्यात येणार आहे.
या कार्यक्रमास विविध क्षेत्रातील मान्यवर, भारतीय जनता पक्षाचे पदाधिकारी, ग्रामस्थ आणि नागरिक मोठ्या संख्येने उपस्थित होते. गेल्या अनेक वर्षांपासून या रस्त्याची अवस्था अत्यंत खराब झाली होती. त्यामुळे प्रवासी व वाहनधारकांना प्रचंड त्रास सहन करावा लागत होता.
आमदार अमोल जावळे यांच्या सातत्यपूर्ण पाठपुराव्यामुळे हा प्रस्ताव मंजूर झाला असून, आजपासून प्रत्यक्ष रस्त्याच्या कामाला सुरुवात झाली आहे. त्यामुळे ग्रामस्थांमध्ये आनंद व समाधानाचे वातावरण निर्माण झाले आहे.
या डांबरीकरणामुळे रावेर, पुनखेडा व पातोंडी भागांचा परस्पर संपर्क अधिक सुकर व सुरक्षित होणार आहे. तसेच मुक्ताईनगर–रावेर दरम्यानचा प्रवासही आता अधिक जलद आणि आरामदायक होईल.
या कार्यक्रमास
भाजप प्रदेश कार्यकारणी सदस्य: सुरेश धनके
जिल्हा उपाध्यक्ष: पद्माकर महाजन, प्रल्हाद पाटील
माऊली फाउंडेशन अध्यक्ष: डॉ. संदीप पाटील
रावेर पंचायत समितीचे माजी सदस्य: पी.के. महाजन
उत्तर महाराष्ट्र संपर्क प्रमुख: उमाकांत महाजन
भाजयुमो जिल्हा सरचिटणीस: संदीप सावळे
भाजप तालुकाध्यक्ष: दुर्गेश पाटील
माजी तालुकाध्यक्ष: महेश चौधरी
पुनखेडा सरपंच: सौ. कीर्तीताई पाटील
पातोंडी सरपंच: सौ. नम्रताताई कोळी
तसेच राजन लासूरकर, विजय महाजन, संजय महाजन, रविंद्र पाटील, सूर्यकांत देशमुख, साजन चौधरी, बाळाआमोदकर, उद्देश कचरे, वासुदेव नरवाडे, पवन चौधरी, निलेश सावळे, अरुण शिंदे, नितीन पाटील, समाधान पाटील, यशवंत आप्पा, रमेश सावळे, लक्ष्मण सावळे, राजेंद्र पाचपोहे, डिगंबर बोरसे, आशा सपकाळे, नंदनीताई पंत, आशा मोरे, अजाबराव पाटील, उमेश वरणकर, उमेश कोळी, मनोहर सावळे, चेतन जैन, सुरेश चौधरी, पंडित सर, श्रीराम कोळी, मनोज पाटील, गणेश बोरसे, लखन महाजन, मोहन बोरसे, योगेश महाजन, पवन पाटील, पंडित पाचपोळ आदींची उपस्थिती होती.
या कामामुळे ग्रामीण भागातील विकासाला गती मिळणार असून, नागरिकांनी आमदार अमोल जावळे यांचे विशेष आभार मानले आहेत.