यावल न्युज
फैजपुर येथे काँग्रेस पक्षाची संघटनात्मक बैठक जिल्हाध्यक्ष प्रदीप पवार यांच्या अध्यक्षतेखाली उत्साहात पार पडली. या बैठकीस माजी आमदार शिरीषदादा चौधरी, प्रदेश उपाध्यक्ष योगेंद्रसिंग पाटील, माजी आमदार रमेशदादा चौधरी, जमील शेख, ज्ञानेश्वर कोळी, काँग्रेस आदिवासी सेल जिल्हाध्यक्ष संजू जमादार, यावल तालुकाध्यक्ष प्रभाकर अप्पा सोनवणे, रावेर तालुकाध्यक्ष डॉ. राजेंद्र पाटील, यावल पंचायत समितीचे माजी सभापती लिलाधर चौधरी, माजी गटनेते शेखर पाटील, युवानेता धनंजय चौधरी, रावेर शहराचे माजी नगराध्यक्ष हरिश गनवाणी, तसेच जावेद जनाब, हमीद तडवी, राजू सवरणे, हाजी शब्बीर, हयात शेठ, रियाज शेख, कलिम मेंबर, अय्युब मेंबर यांची प्रमुख उपस्थिती होती.
बैठकीत आगामी नगरपालिका, जिल्हा परिषद व पंचायत समिती निवडणुकांसाठी पक्ष संघटन, कार्यकर्त्यांची मोर्चेबांधणी व उमेदवार चाचपणी यावर भर देण्यात येणार असल्याचे जिल्हाध्यक्ष पवार यांनी स्पष्ट केले.
माजी आमदार शिरीषदादा चौधरी यांनी काँग्रेस पक्ष निष्ठावान कार्यकर्ते व तरुण पदाधिकाऱ्यांना संधी देण्यासाठी कटिबद्ध असल्याचे सांगितले.
यावेळी २१ मे रोजी भारताचे माजी पंतप्रधान स्व. राजीव गांधी यांच्या पुण्यतिथीनिमित्त व २२ एप्रिल रोजी पहलगाम येथे झालेल्या आतंकवादी हल्ल्यात भारतीय सैन्याने दाखवलेल्या शौर्याचा सन्मान करण्यासाठी "तिरंगा शोभायात्रा" आयोजित करण्यात येणार असल्याची माहिती देण्यात आली.
ही यात्रा २१ मे रोजी सकाळी १० वाजता फैजपुर येथील धनाजीनाना महाविद्यालयातील 'प्रेरणास्तंभ' येथून सुरू होऊन छत्री चौकातील 'स्वातंत्र्य स्मारक' येथे समाप्त होईल.
ही शोभायात्रा भारतीय सैन्याच्या मनोबल वाढीसाठी असून, देशप्रेमी नागरिक व सामाजिक संस्थांनी मोठ्या संख्येने उपस्थित राहावे, असे आवाहन काँग्रेस पक्षातर्फे करण्यात आले आहे.