यावल न्युज : हर्षल आंबेकर
जळगाव जिल्हा ग्रामीण काँग्रेसच्या वतीने आयोजित ‘तिरंगा वीर स्मरण यात्रा’ला फैजपूर येथे उत्स्फूर्त प्रतिसाद लाभला. देशभक्तीचा संदेश देणारी ही यात्रा ध.ना.महाविद्यालयातील प्रेरणास्तंभ येथून सुरु होऊन स्वातंत्र्य स्मारकापर्यंत काढण्यात आली.
यात्रेच्या माध्यमातून २२ एप्रिल रोजी जम्मू-काश्मीरमधील पहलगाम येथे झालेल्या दहशतवादी हल्ल्याच्या पार्श्वभूमीवर भारतीय सेनेने पाकिस्तानला दिलेल्या प्रत्युत्तराचा गौरव करण्यात आला. भारतीय सेनेने शेकडो अतिरेक्यांचा खात्मा करत पाकिस्तान हा अतिरेक्यांचा आश्रयदाता देश असल्याचे पुन्हा एकदा जगासमोर स्पष्ट केले.
यात्रेदरम्यान हल्ल्यात शहीद झालेल्या जवानांना व निष्पाप नागरिकांना श्रद्धांजली अर्पण करण्यात आली. त्यांच्या बलिदानाचा सन्मान करत उपस्थितांनी एक मिनिट मौन पाळले. तसेच, देशाचे माजी पंतप्रधान स्व. राजीव गांधी यांच्या पुण्यतिथीनिमित्त त्यांच्या प्रतिमेस पुष्प अर्पण करून आदरांजली वाहण्यात आली.
कार्यक्रमाला काँग्रेसचे जिल्हाध्यक्ष प्रदीप पवार, माजी आमदार शिरीषदादा चौधरी, युवानेते धनंजय चौधरी, प्रभाकर अप्पा सोनवणे, डॉ. राजेंद्र पाटील, लिलाधर चौधरी, शेखर पाटील, संजू जमादार, राजू सवरने, हरिश गनवाणी, जावेद जनाब, बापू पाटील, जिजाबराव चौधरी, हयात शेठ, डॉ. सुरेश चौधरी, आशुतोष पवार, रियाज शेख, केतन किरंग, कलिम मेंबर, देवेंद्र बेंडाळे, अय्युब मेंबर, भूपेंद्र जाधव, अनिल जंजाळे, डॉ. दानिश शेख, वसीम तडवी, योगेश भावसार, वसीम जनाब, ज्ञानेश्वर कोळी, भागवत सुर्यवंशी, सुनिल पाटील, संजीव सोनवणे, नंदकिशोर सांगाळे, भरत पाटील, दिनेश पाटील, पुरुषोत्तम पाटील, रविंद्र निकम, शैलेश बोडदे, संजय पाटील, शरद पाटील, देविदास पाटील, उद्धव वाणी, जगदीश गाढे, प्रदीप सोनवणे, मनोहर महाले, गोविंद देशमुख, एजाज सर, रामदास लहासे, ज्ञानेश्वर बऱ्हाटे, पिरन तडवी, हमीद शेठ, विठ्ठल चौधरी, नदीम पिंजारी, मनोहर चौधरी, कबीर मेंबर, उमर कच्छी, हाकीम शेठ, अक्कउल्ला शेठ, आसिफ मेकॅनिक, अप्पा चौधरी, गयास शेख, यशवंत धनके, संतोष पाटील, सउद शेख, साजिद मेंबर, सफिक कच्छी, हानिफ पेहलवान, इकलास सय्यद, गुरव सर यांच्यासह काँग्रेसचे पदाधिकारी, नागरिक आणि विविध सामाजिक संघटनांचे प्रतिनिधी मोठ्या संख्येने सहभागी झाले होते.