यावलः जम्मू-कश्मीरमधील पहलगाम येथे झालेल्या भीषण दहशतवादी हल्ल्यात 26 निष्पाप हिंदू पर्यटकांचा मृत्यू झाल्याच्या पार्श्वभूमीवर यावलमध्ये तमाम सकल हिंदू बांधवांच्या पुढाकाराने भव्य निषेध मुक मोर्चा काढण्यात आला. या हल्ल्याच्या तीव्र निषेधार्थ हिंदुत्ववादी संघटना, सामाजिक संस्था आणि विविध स्तरांतील नागरिक एकवटले होते.
बोरावल गेट यावल येथून मोर्चाला सुरुवात झाली आणि मेन रोड मार्गे तहसील कार्यालयापर्यंत विशाल जनसमुदायने शांततेत आणि शिस्तबद्ध पद्धतीने मोर्चा काढला. अखिल हिंदू मानवतेवर झालेल्या या अमानवी आणि भ्याड हल्ल्याचा जोरदार निषेध करण्यात आला.
यावेळी तमाम सकल हिंदू बांधवांच्या वतीने मा. सो. तहसीलदार यावल यांना निवेदन सादर करण्यात आले. या निवेदनाद्वारे केंद्र व राज्य सरकारने ठोस कारवाई करावी, अशी मागणी करण्यात आली. या मोर्चामध्ये आमदार मा. अमोल जावळे यांच्यासह विविध संघटनांचे पदाधिकारी, समाज बांधव व माताभगिनी मोठ्या संख्येने सहभागी झाले होते.
दहशतवादी हल्ल्यात मृत्युमुखी पडलेल्या निष्पाप हिंदू पर्यटकांना सर्व सहभागी बांधवांनी भावपूर्ण श्रद्धांजली अर्पण केली. यावल शहरातून शांततेत निघालेला हा मुक मोर्चा एकतेचा आणि जनजागृतीचा संदेश देणारा ठरला.