यावल न्युज
तालुक्यातील अंजाळे गावात सोमवारी एक सुमारे ५० वर्षीय अनोळखी इसम गंभीर जखमी अवस्थेत आढळून आला. त्यास तात्काळ जळगाव जिल्हा शासकीय वैद्यकीय महाविद्यालयात उपचारासाठी दाखल करण्यात आले होते. मात्र, उपचारादरम्यान त्याचा मृत्यू झाला आहे.
याबाबत यावल पोलिसांनी अपघाती मृत्यूची नोंद करून या अनोळखी इसमाची ओळख पटविण्याचे आवाहन नागरिकांना केले आहे.
अंजाळे गावातील आनंद नारायण बिऱ्हाडे यांच्या राहत्या घराच्या बाजूला पत्राच्या शेडमध्ये हा इसम गंभीर जखमी अवस्थेत नागरिकांना आढळून आला. याची माहिती मिळताच यावल पोलिस निरीक्षक रंगनाथ धारबडे यांच्या मार्गदर्शनाखाली उपनिरीक्षक सुनील मोरे यांनी घटनास्थळी धाव घेतली. त्यांनी या इसमाला तत्काळ जळगाव जिल्हा शासकीय वैद्यकीय महाविद्यालयात दाखल केले. मात्र, उपचारादरम्यान त्याचा मृत्यू झाला.
या प्रकरणी यावल पोलिस ठाण्यात सीएमओ डॉ. अमोले पाटील यांच्या खबरीनुसार अपघाती मृत्यूची नोंद करण्यात आली असून अधिक तपास उपनिरीक्षक एम.जे. शेख करीत आहेत.
यावल पोलीस प्रशासनाने नागरिकांना या इसमाची ओळख पटविण्यास मदत करण्याचे आवाहन केले आहे.